STRANIERI IN PATRIA

Drento la sala del trono cose mai viste, che manco l’imperatori pì trucidi e bestiosi i gà mai osà tanto. Tutto ‘l pavimento coverto de bagasce e merde de can furiosi, che l’une te s’attacca pejo de sanguisughe e i altri ringhia e morsega i camerieri schiavi, che tutto i soporta par quatro schèi. Rimbomba musica che rintrona e pur anco ‘l Neron Caligola canta ch’el fa pietà. Ma tuti i bate e man e cria: osanna osanna! che no capisso pì se ‘l xe premier re imperator presidente o papa. Par la precision, xe ciamà col plurale maiestatis: papi. El sior di siori canta e conta storielle da far cascare e braghe, ma tuti i bate e man e cria: osanna osanna! I ghe leca i pìe, la man e ‘l cul. E lu ride contento, satanasso. Davanti a lu ‘n corteo de ministri, industriai, atori, iornalisti, cardinai, putane, rufiani, vescovi, briganti, pantegane e musi de bastardi che i se vende par quastro schèi, proprio come i servitori. Xe ‘n Cesare non pì alto de on nano ciarlatano, ma pì graso de n’ porseo magna cristiani, no pì beo de na simia maestrà, ma meno ‘nteligente de na scoregia corta, no pì onesto de on ladron de strada, ma men fidato de on traditor de la patria. Lu, la patria, la ciama bordello, lupanare e postribolo. Noaltri, in patria, ormai semo stranieri.